საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი 132 დევნილ ოჯახს შეხვდნენ, რომლებსაც კომპანია "ლიტ ჯეო ინვესტის" მიერ ახალაშენებული კორპუსის ბინები გადაეცათ. სამინისტრომ, ცოტნე დადიანის ქუჩაზე არსებული 132 ბინა, მენაშენეებისგან საცხოვრებელი ფართების შესყიდვის პროექტის ფარგლებში, შპს „ლიტ ჯეო ინვესტისგან"კონკურსის საფუძველზე შეიძინა. დადიანის ქუჩა N7-ში, დევნილ ოჯახებს საცხოვრებელი ფართები გრძელვადიანი განსახლების კრიტერიუმების შესაბამისად გადაეცათ. 132 ბინიდან 84-ერთ ოთახიანია, 24-ორ ოთახიანი, ხოლო 24-სამ ოთახიანი. 2016 წლის ბოლოს, თბილისში, მენაშენეების პროექტის ფარგლებში, დადიანის ქუჩაზე საცხოვრებელი ფართი კიდევ 200 დევნილ ოჯახს გადაეცემა.